సంఘటనం ఒక యజ్ఞం సమిధగ మన జీవనం
భరతమాత పాదాలకు మువ్వలం ఆమె మోము పైన చిరు నవ్వులం
గలగల పారే ఆ జలపాతం నిలిచిందా తనకోసం ఏనాడైనా
మిల మిల మెరిసే ఒక అగ్ని కణం మిగిలిందా తనకోసం ఏ క్షణమైనా
తరతరాల భారతీయ తాపసులది ఈ మార్గం
ఆత్మలో నివేదనం అమ్మకు నీరాజనం
భూమి పొరలలో పురుడును పోసే రైతు రాసాడా తన పేరును ఏనాడైనా
ఆజన్మాంతం సేవలు చేసే తల్లి అడిగిందా ఆనవాలు ఏనాడైనా
ఆనామికత సందేశం హైందవ జీవన సారం
జనని జన్మ కారణం జన్మభూమిదీ ఋణం
మమతల సిరులై తన్మయ ఝరులై మనం సాగాలి సమరమ్మున సాగిన శరమై
కోవెల గంటై కోటి ఆశల పంటై మనం మ్రోగాలి జనపదాల గుండెల స్వరమై
కర్మఫలం ఆశించని ధర్మ వీరులం మనం
No comments:
Post a Comment