hindu

ఈ మధ్య Whatsapp లో తెగ హల్చల్ చేసిన ఒక ఆర్టికల్ రావణుడి లాంటి తమ్ముడు కావాలి అని.

రావణుని లాంటి తమ్ముడు అయితే ??
( Whatsapp ఆర్టికల్ యధాతధంగా )

ఒక గర్భవతి అయిన స్త్రీ తన కూతురుకి తమ్ముడు కావాలా ? చెల్లి కావాలా ? అని అడిగింది

కూతురు: తమ్ముడు కావాలి

తల్లి: ఎలాంటివాడు కావాలి

కూతురు: రావణుడి లాంటి వాడు కావాలి

తల్లి: ఏంటి నువ్వు మాట్లాడుతుంది ? నీకు ఏమైనా మతి పోయిందా ?

 కూతురు: రావణుడి లాంటి వాడు అయితే ఏమైందమ్మా ?
అతడు తన చెల్లిని అగౌరపరిచారని బంధాల్ని,చివరకి రాజ్యాన్ని కూడా వదులుకున్నాడు.
శత్రువు భార్యని  ఎత్తుకొచ్చాడు,కానీ కనీసం తాకలేదు
నేను రావణుడి లాంటి తమ్ముడిని ఎందుకు కోరుకోకూడదు

పోనీ రాముడి లాంటి తమ్ముడిని ఎందుకు కోరుకోవాలి
ఎప్పుడూ తన నీడలా పక్కనే ఉండే భార్యని గర్భవతి అని కూడా చూడకుండా ఒక రజకుడి మాట విని అగ్ని పరీక్ష పెట్టాడు

14 సంవత్సరాలు వనవాసానికి తీసుకెళ్లి అష్టకష్టాలు పడేటట్లు చేశాడు

అందుకా…?

ఇప్పుడు చెప్పు అమ్మ నీకు రాముడు కావాలా? రావణుడు కావాలా?
రాముడికి భార్యగా ఉంటావా ? రావణుడికి చెల్లిగా ఉంటావా ?

ఇప్పటికీ రాముడే కొడుకుగా పుట్టాలి అనుకుంటున్నావా ?

తల్లి కళ్ళల్లో నీళ్ళు చెమర్చాయి...!!

*పై ఆర్టికల్ పై హిందూ ధర్మచక్రం వివరణ :*

అతడు తన చెల్లిని అగౌరపరిచారని బంధాల్ని,చివరకి రాజ్యాన్ని కూడా వదులుకున్నాడు.
⭕  చెల్లి ( శూర్పణఖ )   కోరిక కామంతో కూడుకున్నది. ముందుగా రాముడిని తన కోరిక తీర్చమంది, ఆనక లక్షమనుడిని కోరింది.ఇది పాపం.  రాక్షస స్త్రీ అయినా చంపకుండా ముక్కు చెవులు కోసి దండించి వదిలేసారు. దీనిని చెల్లికి పరాభవం అనుకోవడం రావణుడి సహజ గుణం (రాక్షసుడు  కనుక) చెల్లి విషయంలో రావణుడు ఉత్తముడిలా ఆలోచించి ఉంటే చివరాఖరికి రాముడి చేతిలో చచ్చేవాడే కాదు.

ఇక్కడ జరిగిన విషయం అంతా వివరంగా తెలుసుకొని చెల్లిని మందలించాల్సింది పోయి కొరివితో తల గోక్కున్నాడు రావణుడు.

రావణుడు బంధాల్ని రాజ్యాన్ని వదులుకోలేదు  "పోగొట్టుకున్నాడు"  అని గమనించాలి.

2. శత్రువు భార్యని  ఎత్తుకొచ్చాడు,కానీ కనీసం తాకలేదు.

⭕  ఛి …. దరిద్రం కాకపొతే మరెంటండి… ఇందులో నీతి ఎక్కడ ఏడ్చింది??

రావణుడు నిజంగా దమ్మునవాడు అయితే వనవాసంలోనే.. సితని పరాభవంచేసి ప్రతీకారం తీర్చుకోవాల్సింది. లేదా

అక్కడే రామునితో యద్ధం చేసి రామ లక్ష్మణులను ఓడించి  సీతని గెలిచి తెచ్చుకోవాల్సింది.

అలాకాకుండా .. మారీచునితో నాటకం ఆడించడం ఏంటి ? రామ లక్ష్మణులు లేని టైం లో రావడం ఏంటి ? అందునా దర్జాగా రావనుడిలా కాకుండా బిచ్చగాడిలా రావడం ఏంటి ? ఇందులో ఎక్కడ రావణుడి గొప్పతనం కనబడింది ???

ఎంటేంటి ??? ఎత్తుకొచ్చాడు కానీ కనీసం తాకలేడా ?

కిడ్నాప్ చేయడం నీకు తప్పు అనిపించలేదా ??? పర స్త్రీలను ఎవరైనా అలా ఎత్తుకురావచ్చా ?? అందులో మీకు దోషం కనబడలేదా ??

ఎందుకు తాకలేదో తెలుసా ?? రావణుని శాపం ఉంది ఇంకో స్త్రీ ని కనుక బలాత్కరిస్తే … తల పగిలి చస్తాడు అని ….  వాడూ సీతమ్మని  తాక కపోవడానికి కారణం అది.

3 ) ఎప్పుడూ తన నీడలా పక్కనే ఉండే భార్యని గర్భవతి అని కూడా చూడకుండా ఒక రజకుడి మాట విని అడవుల్లో వదిలి పెట్టాడు .

⭕  ”నూటికి 99 మంది సీత పతివ్రత అని అనడం కాదు,  నూటికి నూరు మంది సీత పతివ్రత అనాలి ” అని అంతటి కటిన నిర్ణయం తీసుకున్నాడు. ఇప్పుడు అర్ధం అయ్యిందా ??

4 )  14 సంవత్సరాలు వనవాసానికి తీసుకెళ్లి అష్టకష్టాలు పడేటట్లు చేశాడు.

⭕  అవునా ?? అలా అని మీకు సీతమ్మ  చెప్పిందా?
వనవాసంలో రావణుడు వచ్చే క్షణం ముందు వరకూ సీతమ్మ రాముడితో చాలా సంతోషంగా  ఉంది. రాముడి ఎడబాటే ఆ తల్లికి నరకం. రాముడు వెంట ఉంటే ఎక్కడ ఉన్నా తను సంతోషంగా ఉంటుంది.

ఆ తల్లి కష్టాలు పడింది అంతా లంకలోనే … ఈ విషయం మీరు బాగా గమనించాలి .

ఇలాంటి కుహనా పండితులు రాసే ముందు పురాణాల గురించి అవగాహన  లేకపొతే రాయడం మానేయాలి.

రావణుడు ….  కుబేరునుకి బ్రహ్మ ఇచ్చిన విమానం పైన ఆశతో విమానం కోసం కుబేరునితో యుద్ధం చేసిన అత్యాశ పరుడు.

ఒకసారి పరమేశ్వరుని దర్శనం కోసం వెళ్లి తల్లి సమానమైన పార్వతి దేవిని కోరుకున్న కామాంధుడు.

ఫలితంగా శివుడు మంచి గునపాటమే చెబుతాడు.

పై ఆర్టికల్ లో అమ్మాయి రావణుడి లాంటి తమ్ముడిని కోరుతుంది అంటే ..తను కూడా శూర్పణఖలా ఆలోచిస్తుంది అనిపిస్తుంది. తనుకూడా ధర్మ హీనంగా పర పురుషుడిని కోరుకుంటే తన తమ్ముడు రావనుడిలా ప్రవర్తించాలి అని ఆలోచిస్తుంది అనుకోవచ్చు.

కూతురికి పురాణాల పైన అవగాహనలేదు అనుకోడానికి వీలు లేదు , ఎందుకంటే అన్ని పాత్రల గురించి చెప్పింది.

అంటే ..అవగాహన మాత్రమే ఉంది కానీ వివేకము లేదు అని కూడా మనం అర్ధం చేసుకోవాలి.

కూతురి మాటలకు తల్లి కళ్ళల్లో నీళ్ళు తిరగడం అనేది మరీ దారుణంగా ఉంది. కూతురికి తెలియకపోతే తల్లి అర్ధం అయ్యేలా చెప్పాలి. అలా చెప్పకుండా తల్లి  కూతురి మాటలకు సంతోషించింది అనుకుంటే తల్లికి కూడా పరిపక్వత రాలేదు అనుకోవాలి ( రాసిన వ్యక్తికి లేదు కనుక పాత్రలకు కూడా  ఉండవు )

అనవసరంగా పురాణాల్లో ఋషులు చెప్పిన వాటికి భిన్నంగా ఆలోచించి రావణాదులను హీరో లను చేయకండి.

మొన్నీమద్యే … O U Campus లో రావణుడు మా తెగవాడు అని పండుగలు చేసారు…ఇలాంటి పైత్యపు రాతల వల్ల వారికి ఊతం ఇచ్చిన వారు అవుతారు జాగ్రత్త.

ఒకవైపు హిందూ ధర్మం పైన ఇతర మతాల దాడులు మార్పిడీలు జరుగుతుంటే మనం ఇంకా పటిష్టం కావాల్సింది పోయి మన మతం గురించి మనమే  విష ప్రచారం  చేస్తున్నాము. ఇది కూర్చున్న కొమ్మను నరుక్కోవడమే అవుతుంది.

చేతనైతే హిందూ ధర్మం అభివృద్ధికి కృషి చేయండి.
✨✨✨✨✨✨✨✨
www.ayurgreen.com